Kinderland Şüvəlan Mini balaca qonaqlarını qarşılamağa hazırdır!

Şüvəlan Parkda yerləşən və ümumi sahəsi 2300 m2 olan Kinderland Şüvəlan Mini ailəvi əyləncə mərkəzidir!  Burada uşaqlar müxtəlif fəaliyyət sahələrində oynayaraq əyləncəli vaxt keçirir və ilkin peşə bacarıqlarına yiyələnirlər. “Oyna və Öyrən” markanın əsas devizidir.

Uşaqlar xüsusi hazırlanmış mərkəzlərdə: İncəsənət və Sənətkarlıq Mərkəzi, Supermarket, İnteraktiv Mətbəx, Moda Studiyası, Gözəllik Mərkəzi, Yanğınsöndürmə Məntəqəsi və Xəstəxanada 7 fərqli peşədə özlərini sınayır, bilik və təcrübə qazanırlar.

Kinderland Şüvəlan Mini-də real həyat fəaliyyətləri uşaqların gələcək həyata hazırlanmasında və cəmiyyətə faydalı fərd kimi yetişməyində önəmli rol oynayır.

Uşaqlar Kinderland Şüvəlan Mini-də mövcud olan arkada oyunları, trambolin əraziləri, şəhər labirinti və dırmanma divarları kimi əyləncə növlərində həmyaşıdları ilə birlikdə oynayaraq əylənir və səmərəli vaxt keçirirlər. Hər yaşdan uşaqlar üçün əyləncə imkanları təklif edən Kinderland Şüvəlan Mini bütün uşaqlara unudulmaz və qeyri-adi anlar yaradır.

Kinderland Şüvəlan Mini-də ailəvi istirahət etmək və doğum günlərini qeyd etmək üçün 2 Karaoke Klub və 2 Şənlik otağı var. Qonaqların sayından asılı olaraq Karaoke və Şənlik otaqları birləşdirilir və daha çox qonaqla rahat və əyləncəli vaxt keçirmək imkanı olur. Məkanımızda doğum gününü qeyd edən qonaqlara həm uşaqlar, həm də böyüklər üçün müxtəlif çeşiddə menyular təklif edilir.